Reklama

W internece ò ksążkach

Kùlturowniô

17/03/2022 18:15

Kaszëbsczé Fòrum Kùlturë w Gdinie prawie wsadzëło na You Tube swòje nowé filmiczi. Magda Kropidłowskô czëtô kartësczé bôjczi pò kaszëbskù i co wôżné, czëtô je w jednym z kòlkartësczich dialektów. Dobrze sã słëchô. Nalézemë téż gôdkã z direktorã Mùzeùm Kaszëbskò-Pòmòrsczi Pismienizné i Mùzyczi we Wejrowie dr. Tomaszã Fópką ò wëdôwiznach. A je ò czim gadac, bò wejrowsczé mùzeùm rok w rok drëkùje wnet trzëdzescë rozmajitëch ksążków - òd lëteratùrë pò nôùkòwé dokazë. KFK przërëchtowało téż gôdkã z direktorką Kaszëbsczegò Mùzeùm w Kartuzach Barbarą Kònkòl, ji témą téż są wëdôwiznë. - Nasze filmiczi to ùdba na pandemiã, kò chcemë je dali rëchtowac i pùblikòwac, bò You Tube to dobri plac na rozkòscérzanié tegò, co robimë i co je cekawé w kaszëbiznie - zapòwiôdô Andrzéj Bùsler prezes KFK.

Red.