Reklama

Bëtk jedze do Lãbòrga

Kurier Bytowski

21/05/2024 00:13

Jak sprawic, żebë dzecë miałë wiãkszą òskòmã na czëtanié ksążków, a òsoblëwie kaszëbsczich? W Miejsczi Bibliotece w Lãbòrgù mają na to nową ùdbã. To projekt „Farwné przigòdë z kaszëbską ksążką”, co gò prowadzy Alaksandra Majkòwskô. Deja je takô, żebë lëdze, chtërny dopiérkù zaczinają czëtac, trafilë kaszëbską lëteraturã. Nie jidze ò sóm tekst, kò téż jegò zrozmienié, achtnienié, kòntekst. Temù zamkłoscë tekstów bãdą wëzwëskiwóné téż na plasticznëch warkòwniach.

- Ju niedługò bãdzemë gòscëc w naszi bibliotece m.jin. Anã Glëszczińską, pisôrkã z bëtowsczich strón. Na zéńdzenié z aùtórką Bëtka przińdze sédmëdzesąt szkòlniôków z lãbòrsczich placówków. Je to leżnosc nié leno do pòkôzaniô dzecóm kaszëbsczi ksążczi, në téż do pòznaniô na żëwò ji ùtwórcë - gôdô Aleksandra Majkòwskô, kòòrdinatórka projektu.

Réga warkòwniów a zéńdzeniów z kaszëbsczima pisarzama bãdze bawiła na zymkù a òb jeséń. Jak planëje Miejskô Biblioteka, skorzëstô z nich kòl trzësta młodëch czëtińców. Projekt je ùdëtkòwiony przez Minysterstwò Kùlturë i Nôrodny Spôdkòwiznë.