Reklama

Lãbórg. Bëtk i jegò drëszë

Kurier Bytowski

31/07/2024 11:23

Pòsobné pòtkanié w òbrëmim projektu „Farwné przigòdë z kaszëbską ksążką / Kolorowe przygody z kaszubską książką” bëło 14 czerwińca. Tim razã ùczãstnikama warkòwniów bëłë dzecë ze Spòlëznowi Jãzëkòwi Spòdleczny Szkòłë w Lãbòrgù, chtërne pòznôwałë dokazë Anë Gliszczińsczi, aùtórczi ksążeczków ò Bëtkù (m.jin. Bëtk herbù kasztan, Bëtk na zómkù w Bëtowie, Bëtk w mòdri krôjnie).Òb czas plasticznëch warkòwniów lãbòrsczi ùczniowie zrobilë malënczi na taszach, wëzwëskiwającë przédno pòstacje Bëtka, wieszczówczi Anë, Dëcha Zómkù i Nënczi Rodë. Pózni swòje farwné tasze dzecë wzãłë na pòtkanié z Aną Gliszczińską. Pisôrka rozprôwiała z nima ò swòjim ùtwórstwie, òdpòwiôdała na pitania i dôwała aùtografë.Projekt „Farwné przigòdë z kaszëbską ksążką” je ùdëtkòwiony ze strzódków Minystra Kùlturë i Nôrodny Spôdkòwiznë, jaczé pòchòdzą z Fùnduszu Promòcje Kùlturë.

Red.