Reklama

Mni jak 20 lat

Kùlturowniô

15/11/2023 19:20

„Pòlskò-niemieckô grańca na Pòmòrzim (1920-1939): historiô, pamiãc, szlachë przeszłégò” - titel dosc dobrze prawi ò zamkłoscë nowi ksążczi Kaszëbsczégò Institutu, jaczi wëdôł jã do grëpë z Centrum Badérowaniô Niemiecczi Miészëznë w Òpòlu. Grańca, jakô pòdzelëła Pòmòrzé pò wersalsczim traktace, do dzysô żëjë w òpòwiescach lëdzy m.jin. Na zôpadnëch Kaszëbach, do terô dozdrzimë téż ji architektoniczné zaòstałoscë, òsoblëwie tzw. cole, to je cłowé bùdinczi. Westrzód aùtorów nalézemë Wòjcecha Skórã, Bartosza Macykòwsczégò, Karolënã Ciechòrską-Kùleszã, Magdalénã Sachã i przédnégò redaktora ti wëdôwiznë Cezarégò Òbracht-Prondzyńsczégò. Na 27.11. rôczą na promòcjã ksążczi do Płótowa do Domôctwa Stip-Rekòwsczich (òddzél Zôpadnokaszëbsczégò Mùzeùm). Chto przëjëdzë, mô dostac wëdôwiznã darmòk.

Red.