Reklama

Pòtkania z Tatianą Slowi

Kurier Bytowski

31/07/2024 11:18

Rëgnãłë dzejania w òbrëmim projektu pt. „Kolorowe przygody z kaszubską książką / Farwné przigòdë z kaszëbską książką”, jaczi mô za cél promòcjã kaszëbsczi lëteraturë i zachãcywanié dzecy z lãbòrsczégò krézu do czëtaniô ksążków. Zjiscywô gò Mieskô Pùblicznô Biblioteka w Lãbòrgù.

21 maja w Spòdleczny Szkòle w Łebùni i Niepùbliczny Spòdleczny Szkòle w Pòpòwie ùczniowie tëch môlów pòtkelë sã z Tatianą Slowi, gazétniczką Radia Gdańsk i aùtórką òpòwiôdaniô „Dzecë a jinszé magiczné stwòrë”. Dzecë miałë leżnosc pògadac z nią ò tim, jak twòrzi sã lëteracczi magiczny swiat, a téż ò ji prowadnikach Zgubnik Pomorski. Kaszuby i Zgubnik Pomorski. Kociewie, Żuławy i Powiśle.

Rëchli òb czas plasticznëch warkòwniów ùczniowie malowelë tasze w òbrôzczi zrzeszoné z òpòwiôdanim Tatianë Slowi i zapisywelë na nich cytatë z tegò ùsôdzkù.

„Kolorowe przygody z kaszubską książką / Farwné przigòdë z kaszëbską ksążką” są ùdëtkòwioné ze strzódków Minystra Kùlturë i Nôrodny Spôdkòwiznë pòchôdającëch z Fùnduszu Promòcji Kùlturë.

Red.