Reklama

Bôjczi Mamelsczégò zekranizowóné

Kùlturowniô

27/02/2022 16:21

- Òd lat jakno fundacjô Aby Chciało się Chciec jesmë zaangażowóny w promòcjã kaszëbiznë òsoblëwie bez filmë. Jem pòd wiôldżim wrażenim bôjków Mamelsczégò. Ùdbôł jem so 5 z nich przerobic na filmòwi òbrôz - gôdô aùtór filmów Pioter Zatoń, tej docësnął: - Më wëbrelë te, jaczi mają nôwikszi cësk na wëòbrazniã.

Filmiczi „Męska wyprawa”, „W mirachowskiej puszczy”, „Ja już nie będę”, „Światło”, „Diabelska rola”, do jaczich pòdskacënk dałë bôjczi Mamelsczégò, òbezdrzec mòżna na youtubòwim karnôlu fundacje. Nagriwóné bëłë w rozmajitëch placach na Kaszëbach. - Czile scenów bëło dlô nas dosc drãdżich. Jedna z nich tikała tuńców w karczmie. Brëkòwnëch bëło kòl 40 lëdzy. Më pùszczëlë wiadło pò drëchach i sã ùdało. Dosc tëli białków razã z chłopama przëjachało z Gôłczewa. Grôjkòwie z filmù to trzëgardowi mùzycë, co grają w rozmajitëch karnach - rzecze Zatón.

Ne 5 nagrónëch filmów to wszëtkò, ale jak gôdô jich aùtór, nie je wiedzec, czë z czasã nie wrócą, żebë dograc wicy.

Red.