Reklama

Ju w piątk Festiwal Lakie|Łączé

Kùlturowniô

25/07/2022 19:47

Łączé w gminie Lëpińce na Gôchach drëdżi rôz rôczi do se na Festiwal Lakie|Łączé. Zjadą na niegò artiscë rozmajitëch ôrtów m.jin. Kiev Office: karno, jaczé w swòji mùzyce wëzwëskùje kaszëbsczé mòtiwë. Westrzód nich, na platce „Gjinjenjé”, òpòwiôdają ò Słowińcach, jaczich ju ni ma. To prawie ne piesnie ùczëjemë w Łączim. - Chòc sama nie gôdóm pò kaszëbskù, to nen akcent je dlô mie baro wôżny. Temù w sami pòzwie mómë nazwã wsë w rodny mòwie. Dlô mie Łączé parłãczi sã z pòlsczim słowã „łączy”. Tak prawie je. Nen festiwal parłãczi lëdzy, rozmajité ôrtë sztuczi, kùlturë - gôdô pianistka Basza Drążkòwskô, jakô je òrganizatorką imprezë.

Òkróm Kiev Office ùczëjemë jesz Dómnika Stricharsczégò i Kùbã Mòlãdã (pòl. Molęda) razã z Adrianã Wòlsczim. A do te mdą architektoniczné warkòwnie dlô dzecy, wëstôwk biżuterie i plakatu. Na maszinie Anë Ilsczi-Gruchòt bãdze mòżna stwòrzëc swòje haikù (tj. krótëchny wiérzt rodã z Japònie) téż pò kaszëbskù.

Wiãcy wiadłów nalezc jidze na facebookòwim profilu Festiwal Lakie|Łączé. A TUWÒ relacjô pò pòlskù z pierszégò festiwalu.

Red.