Reklama

Finał Méstra Bëlnégò Czëtaniô

Kùlturowniô

14/12/2021 21:41

Fot. B. Wiszowaty, Mùzeùm Kaszëbskò-Pòmòrsczi Pismieniznë i Mùzyczi w Wejrowie

Przedstôwcowie 11 pòwiatów z całëch Kaszëb (i nié blós) przëjachelë 10 gòdnika do Mùzeùm Kaszëbskò-Pòmòrsczi Pismieniznë i Mùzyczi we Wejrowie, żebë czëtac pò kaszëbskù. – To nôlepszi z kòl tësąca ùczãstników, chtërny brelë ùdzél w rozmajitëch eliminacjach: szkòłowëch, gminowëch i pòwiatowëch – gôdô Dark Majkòwsczi, kòòrdinatór kònkùrsu.

Do Wejrowa na finał przëjachało wicy jak sto ùczãstników, jaczich òbsądzywałë dwie kòmisje w składze: Danuta Pioch, Wanda Lew-Czedrowskô i przedstôwcowie MKPPiM: direktór tegò môla Tomôsz Fópka, Agata Grenwald, Róman Drzéżdżon i Matis Klebba. – Latos bëła téż mòżlëwòta czëtaniô online, jeżlë chtos trafił na kwarantannã. Czile ùczãstników z tegò skòrzëstało, a niejednym ùdało sã nawetka ùdostac nôdgrodë i wëprzédnienia - rzekł Majkòwsczi.

Finaliscë szlë na miónczi w piãc wiekòwëch kategóriach, a wëniczi mòżna òbaczëc na starnie mùzeùm we Wejrowie.

Red.