Reklama

Henrik bëtowsczi pierszi

Kùlturowniô

13/12/2021 10:12

Nôpierwi chòrosc pò cãżczim wëpôdkù, krëczew, jiwer z gôdanim, reńta, sómstwò w małim mieszkanim w blokù. Dlô człowieka, co òd młodoscë założił kòchbã z żëcym, co robił w kùlturze, to wnet jak sôdzô, i to sôdzô do kùńca, bò ò wëzdrowienim nie bëło i ni ma mòwë. Wnet, bò równak òstało òkno. Wiôldżé, wësok, z jaczégò je widzec całi bëtowsczi rënk i dobri sztëk Wòjska Pòlsczégò. Robòtã z lëdzama zastąpiłë wielné, pòmalëczné szpacérë pò miesce, gòdzënë na łôwkach, zazéranié tej-sej na kawã. Jaż za wiele czasu, żebë dobrze przëzdrzec sã na Bëtowò, napasc òczë a ùszë drzewama, kwiatama, bëtowsczima rzékama, ptôchama, lëdzama téż. Wasta Henrik Cziż [pòl. Czyż] jął robic za jich rzecznika. Doch chòrosc nie zabrała mù wrazlëwòtë. Zaczął pisac wiérztë, w dzélu ò se, swòjich dzecnëch latach, rodzëznie. Równak nôwiãcy prawie ò Bëtowie i bëtowianach. Dlô starégò zabëtkòwégò mòstu, co zarô miôł sã rozjąc w trón, abò za baro òbcãti lëpë stôł sã broniszã, dlô kaszëbsczich widników, kwiatów a spòtkónëch lëdzy jął pisac chwalbë abò wspòminczi. Dzysô Bëtowò ni mô barżi bëtowsczégò pòetë.
Wasta Henrik pisze pò pòlskù. Terô nasz redakcyjny tłómôcz wzął sã za wstawianié jegò dokazów w kaszëbsczi. Dzysô pierszô wiérzta, pózni bãdzemë pùblikòwelë pòstãpné.
P.D.

Ricérz òd mùzów

W strzódkù miasta
żłobiôrz so béł

Jednégò dnia
zaklepôł na dwiérze
do sw. Piotra
òfiarowôł dlô Nieba
aùtopòrtret

Mòja tesznota bë chca
żebë warsztat
béł òtemkłi
Niechże lecy
nad wãdrama

- dëch méstra

Ta cëszô -
Na górce
néżczi…
(2000 r.)