Strëmiannikòwô „Pomerania” wnetka do kùpieniô

Wnetka do kùpiniô mdze strëmiannikòwô „Pòmerania” a w nij:

Całô Pòlskô rëgnãła z pòmòcą dlô Ùkrajinë. „Wëzwòlenié”, ò jaczim gôdô ruskô propaganda, to zniszoné miasta, zbómbardowóné bùdinczi administracje, chëczë, szkòłë. Wicy ò ti tragedie w teksce „Solidarni z Ukrainą. Pomagamy Ukrainie”.

Westrzód lëdowëch artistów to pòstacjô mało wiele ikónicznô – gôdô ò Włodzmierzu Òstoja Lnisczim Jaromir Szroeder, czerownik etnograficznégò dzélu Zôpadnokaszëbsczégò Mùzeùm w Bëtowie, gdze òdemklë wëstówk ò nym artisce. A wicy ò nim w teksce „Czasã klepie diôbełczi”.

„Nordowé pòwiôstczi” to titel debiutancczi ksążczi Matéùsza Bùllmanna, znónégò z gôdków zrzeszonëch z Nordą. W strëmiannikòwi „Pòmeranie” kòrbiônka z nim ò pùblikacje, a téż ò wëzwëskiwanim kaszëbiznë w gòspòdarsczim dzejanim i ò kòniach.

Razã z Adamã Grzëbòwsczim wëbierzemë sã na dôwną ùlëcã Stadtgebiet 12, a z Martą Szagżdanowicz na szpacérã szlachã Kònstancje, jakô żëła we Gduńskù w latach 1605-1653.

„Przeszedł go dreszcz. Nie, nie żaden lęk, żadna niepewność, w końcu był inspektorem szkolnym, takie fanaberie były dobre dla pensjonarek albo zniewieściałych mężczyzn” – tak zaczinô sã pòwiôstka „Panna Hermina” Piotra Scamandta.

„Kukówka” to titel cządnika z gmine Lëzeno. Wicy ò gazétach z tegò òkòlégò w teksce Andrzeja Janusza.

„Purcle, pączki, ruchanki czy może pomelki?” To titel tekstu Rafała Nawakòwsczégò, chtëren na sztót przeniese nas w czas sëtégò czwiôrtkù.

Jak młodi widzą kaszëbiznã? Co mëslã ò przińdnoce najégò jãzëka i kùlturë? Òdpòwiedzë na no pitanié szukôł Aleksander Dułak.

Wicy tekstów, a wiadłów z Kaszëb w strëmiannikòwi „Pòmeranie”. Zamówienié na prenumeratã mòżna złożëc pòd adresã e-mail: [email protected], abò zazwònic: tel. 500 183 832.

Red.