Reklama

Majewô „Pomerania” wnetka ù Czëtińców

Kùlturowniô

09/05/2022 16:47

Bôtë na Òksëwim. Ò tim dzélu Gdinie w majewi "Pòmeranie" pisze A. Bùsler. Òdj. dm

Ju za czile dni do Czëtińców trafi majewé wëdanié „Pòmeranie”. We westrzódkù wiele cekawëch artiklów.

Ùkôzało sã nowé wëdanie „Gdańszczan” Brunona Zwarrë. Ò pòwiescë piszë Artur Nowaczewsczi.

W nym rokù mijô 30 lat dzejaniô wëdôwiznë Region. W „Pòmeranie” kôrbiónka z załóżcą Jarosławã Ellwartã.

„Biôtka ò fanã” to planszówka, jaką stwòrzëła Justina Mikòłajczik, szkólnô kaszëbsczégò jãzëka i przédniczka lëpùsczégò partu Kaszëbskò-Pòmòrsczégò Zrzeszeniô. Òpòwiôdô ò ùdbie na pòwstanié grë i stojiznie kaszëbiznë wkół Lëpùsza.

„Czy podziwiając dzieło sztuki zastanawiamy się, kto jest jego twórcą? Z pewnością często. Ale czy zawsze?” – tak zaczinô sã articzel Piotra Schmandta ò Alojzym Reùtrze.

Òd majewégò wëdaniô „Pòmeranie” zaczinô sã cykl artiklów sparłãczonëch z Gdinią. W pierszim ò Òksëwim.

„Z mùzyką jem miôł do czënieniô òd dzecka” – tak zaczinają sã wspòminczi Alojzégò Trellë, chtëren bez 59 lat twòrził i prowadzył różné mùzyczné karna.

Przezérk nôwôżniészich wëdarzeniów z Kaszëb nalézemë w Klëce.

Nie zafelowało téż felietónów, a westrzód nich òstatnégò z Pëlckòwa.