Reklama

Jedurnô takô na Kaszëbach

Kùlturowniô

27/03/2022 16:28

Miała zagrac le na jedny rozegracje, równak wëzdrzi na to, że dzejac bãdze kąsk dłëżi. Jidze ò akòrdionową òrkestrã, jaką stwòrził Paùel Nowak. Zagrała 19.03. na Dniu Jednotë Kaszëbów. - Czasu na cwiczenié nie bëło za wiele. Më sã pòtkelë leno na trzech próbach. Ùdba bëła takô, żebë zagrac leno na Dniu Jednotë. Z rozmajitëch strón móm wiadło, nié leno, że sã widzało, ale że chãtno rôczëlëbë nas do sebie - gôdô dirigent òrkestrë P. Nowak, dodôwającë: - Òbôczimë, co dali. W składze mómë 17 lëdzy i nie je letkò sã zebrac, nalezc pasowné terminë.

Je ju wiedzec, że mùzyków pòsłëchac mdze mòżna òbczas XX Midzënôrodnégò Akòrdionowégò Festiwalu w Sëlëczënie, jaczi òdbãdze są òd 17 do 23 lëpińca.

Red.