Reklama

I nad Gangesã, i w Tokio

Kùlturowniô

29/03/2022 15:37

Òsoblëwi, przërównywóny do Nikifòra. Józef Chełmòwsczi (1934-2013). Ò swòjich pòdskacënkach nie gôdôł, to bëłë jegò krëjamnotë. Kò badérzë, chtërny przëzérelë są na jegò ùtwórstwò, pòkazëją na wiôlgą rozmajitosc zdrzódłów jegò jinspiracjów - òd stôroegipsczich malënków na scanach, pò òbrazë Boscha abò drzewòżłobinë Dürera. Wszëtkò równak jinacził wedle swòjégò pòzdrzatkù, Swòjima dokazama kòmentérowôł téż dzysdniowòsc. Kò wcyg òstôwôł lëdowim artistą. Béł téż człowiekã szczestlëwim, chtëren pół swòjégò żëcô robił prawie to, co sobie nôbarżi ùlubił - twòrzenié bez żódnëch grańców.

28 strëmiannika w Zôpadnokaszëbsczim Mùzeùm w Bëtowie mielë më leżnosc òbezdrzec film ò Józefie Chełmòwsczim, jaczi zrëchtowôł Andrzéj Dudzyńsczi. Film béł ju pòkôzóny w jednym z indijsczich festiwalów, a terô czekô na pòstãpny w Tokio. Jidze gò òbaczëc téż na kanale you tube bëtowsczégò Mùzeùm.

G.P.