Reklama

Do kùpieniégò je ju stëcznikòwi numr „Pòmeranie”

Kùlturowniô

21/01/2022 21:32

Do kùpieniégò je ju stëcznikòwi numr „Pòmeranie”. A w nim na starnach 3-6 ò planach na òbniżenié subwencji na nôùkã mniészëznowëch jãzëków. Òkróm kaszëbsczégò téż biôłorusczégò, litewsczégò, niemiecczégò czë ùkrajińsczégò. A do te przeczëtac mòżemë ò 40-lecym jistnieniô tczewsczégò partu KPZ. Dark Majkòwsczi gôdô z Idą Czajiną, pòetką, recytatorką, szkólną, dobiwczką Kaszëbsczi Lëteracczi Nôdgrodë.

„Czej miała dwanôsce lat, wëbùchła II swiatowô wòjna. Razã z tatą rëchtowała w lese bónker dlô partizanów Pòmòrsczégò Grifa” - tak zaczinają sã wspòminczi ò Zofie Gùsman z Rãbù. Wicy ò ni doznac sã mòżna z tekstu w stëcznikòwi „Pòmeranie”.

Ò Wiôldżim Młinie we Gduńskù pisze Marta Szagżdowicz, a Rafôł Nowakòwsczi ò kaszëbsczich zupach.

Na kùńcu jak wiedno recenzje ksążków i felietónë Fópczi i Drzéżdżona. Co tim razã wëdarzëło sã w Pëlckòwie?

Red.