Reklama

Czerwińcowô „Pomerania” ju wnetka ù czëtińców

Kùlturowniô

16/06/2022 19:40

Ju wnetka do czëtińców trafi czerwińcowi numr „Pòmeranie”, a w nim ò ùchwôlënkù Przédny Radzëznë Kaszëbskò-Pòmòrsczégò Zrzeszeniô tikającym pòlskò-kaszëbsczich pòzwów na drodze S6 òd Gdinie Kacka do Wiôldzégò Bòżepòlô.

Kòl dwasta ùczniów spiéwało i prezentowało na binie dokazë z ksążczi Aleksandrë i Darka Majkòwsczich „Ùcz sã jãzëka z kaszëbsczima nótama”.

Kòrbiônka Słôwka Lewandowsczégò nié leno ò Eùropejsczim Ùniwersytece Nadmòrsczim SEA-EU z dr hab. Aną Jurkòwską-Zeidler.

Ò wòjnowëch kawlach Gennadija Jerszowa, pòlskò-ùkrajińsczégo artistë w teksce „Ocalony dla sztuki”.

70 gebùrstach, 45-lecé robòtë, a do te 30. wëdónô ksążka. W czerwińcowi „Pòmeranie” ò słëpsczi pisôrce Joanie Nitkòwsczi-Wãglôrz.

Ji nôstarszé receptë na pieczenié chleba są sprzed 130 lat. Karolëna Bòber je dzys nôwikszą znajôrką pieczeniégò chleba.

„Na początku było Oksywie” to titel drëdżégò dzélu òpòwiescë ò Gdinie.

Latos mijô trzëdzescë lat òd czasu, czej bëtowsczi part Kaszëbskò-Pòmòrsczégò Zrzeszeniô òdsłôniôł tôflã pòswiãconą ewanielicczémù pastorowi Szëmònowi Krofejowi. Ò nim i jegò rodzënie w czerwińcowi „Pòmeranie”.

„Mô pôrã òbleczënków. Ten na zëmã w kropczi, ten na Gòdë blëszczi sã w słuńcu, òpalizëje, ten dlô młodëch... taczi nijaczi” - tak zaczinô sã tekst ò skórcach. Kąsk wiadłów ò nim w „Pòmeranie”, gdze nalézeta téż wiele jinszich tekstów, a wiadłów w Klëce. Wôrt zabrac sã za czëtanié.