Reklama

Przezerôj, nalézesz

Kùlturowniô

25/05/2022 21:25

Prawie ùkôzôł sã 2 (33) numr „Regionalnëch Nowiznów” („Nowości Regionalnych”), rëchtowóny przez Regionalną Prôcowniã Wòjewódzczi i Miejsczi Pùbliczny Biblioteczi miona Josepha Conrada Kòrzeniowsczégò we Gduńskù. Chto szukô infòrmacjów ò ksążkach ò Pòmòrzim, Kaszëbach, prawie tu naléze jich przezérk. Co trzë miesące swiéżé (wëdóné latos, czasã łoni) dokazë są tu krótkò òpisóné. Ti, co czëtają pò kaszëbskù, téż nalézą cos dlô se.

Np. w majewim numrze je m.jin. ò pùblikacjach: „Nordowé Pòwiôstczi” Mateùsza Bùllmana, „Dokôzë zebróné” Benedikta Karczewsczégò”, „Wòjnowé wspòminczi Kaszëbów z Gminë Żùkòwò” Eùgeniusza Prëczkòwsczégò a „Òd do” Stanisława Frimarka.

Wëdôwizna w szëkù pdf je darmôk do wzãcô na starnie WMPB we Gduńskù.

Red.