Reklama

Bernat Sculteti to je Szôłtës

Kùlturowniô

12/02/2022 13:26

Wnetka Dzéń Jednotë Kaszëbów. Swiãto ùsadzëlë na wdôr nôstarszégò, wedle tegò co dzysô znómë, dokùmeńtu z pòzwą Kaszëbë - duce Cassubie, jaczi òstôł wëstawiony 19.03.1238 r. w bùlle papieża Grzégòrza IX. A chto jakno pierszi sóm se nazwôł Kaszëbą, to znaczi tak ò se napisôł? Wedle prof. Zygmùnta Szultczi to Bernat Sculteti (1455-1518), chtëren wiãkszi dzél swòjégò żëwòta spãdzył w Rzimie, na służbie ù papieżów. Nie zabéł, że pòchòdzy z krôjnë nad Bôłtã. Jakno wôżnô òsoba miôł wiôldżi cësk na sprawë, jaczima zajimałë sã papiesczé ùrzãdë, chòc nie wspiérôł darmò… Niejedno pòmógł w Prësach Królewsczich, Gduńskù, w Pòmòrsce.

Sculteti to w łacëznie tëli co szôłtës. Nasz Bernat pòchòdzył z Lãbòrga abò ze wsë krótkò tegò miasta. W swòjich ksążkach wstôwiôł, że je Kaszëbą. Piselë ò nim artikle, a w 2019 rokù wëszła smarã ksążka "Z Kaszub do Wiecznego Miasta. Bernard Sculteti (ca 1450-1518): kurialista i przyjaciel Mikołaja Kopernika".

P.D.