Reklama

408 starnów na 50 lat

Kùlturowniô

18/12/2022 16:52

Latos Zapôdnokaszëbsczi Mùzeùm w Bëtowie fejrëje 50 lat. Roczëzna bëła leżnoscą nié leno do przëbôczeniô jegò dzejaniô, nôdgrodzeniô nëch, co w nim robią, kò téż do wëdaniô ksążczi ò wôżny tak dlô Bëtowa jak i jinëch institucje. Ta prawie wëszła spòd smarë. Westrzód pôrãnôsce artiklów òsoblëwie cekawima jawią sã ten ò zôczątkach zbiéraniô lokalnosców jesz przed II swiatową wòjną (to pierwszi tak szerok tekst na tã témã) Jignaca Skrzëpka a téż ten ò ùsôdzanim ZM na spòdlim lëstów prof. Riszarda Kùkiera (etnografa, aùtora m. jin. mònografie „Kaszubi bytowscy”) jaczi napisôł Jón Tibòrczik. Terô ZM rëchtëje pòstãpną wëdôwiznã, pòstãpny rocznik „Nasze Pòmòrzé”, jaczi jak wiedno bãdzemë mòglë wząc w rãkã na zymkù.

Red.