Reklama

Kaszëbòpediô rëszëła w internece

Kùlturowniô

17/11/2022 18:12

To kòmpendium wiédzë ò kaszëbsczich symbòlach, mitach a wëòbrażonym swiece. W internece 15 lëstopadnika rëszëła Kaszëbòpediô, jakô òpiérô sã na nëch hasłach, jaczé pòjawiłë sã w ksążce „Gniôzdo Grifa”. - Chcemë je pòszerzëc, chòc le ò bibliografiã czë filmògrafiã. Do te pòjawią sã téż i nowé. Mëszlã, że do grëpë wszëtczich mdze kòl 500 - rzekł na inaùgùracji pòrtalu Cezari Òbracht-Prondzyńsczi, przédnik Kaszëbsczégò Institutu, jaczi wespół z Wòjewódzką i Miejską Biblioteką Pùbliczną we Gduńskù je wëdôwcą Kaszëbòpedie. - Móm nôdzejã, że dlô wiele lëdzy na starna bãdze pierszą, na jaką zazdrzą, czej mdą szukelë za rzetelnyma wiadłama ò Kaszëbach jakno lëdzach i regionie - dodôł Òbracht-Prondzyńsczi.

Kaszëbòpediã nalézeta tuwò.

Red.