Reklama

20 dzélów ò jednym artisce

Kùlturowniô

15/12/2022 16:26

Janusz Trzebiatowsczi - maléra, żłobiôrz, medalérnik, kòlekcjonér dokazów kùńsztu a etnograficznëch artefaktów. Pò prôwdze je ò czim òpòwiadac. I prawie za to wzãło sã Mùzeùm Kaszëbskò-Pòmòrsczi Pismieniznë i Mùzyczi we Wejrowie, kònkretno Agata Grenwald a Paùlëna Wãserskô. Za kamerą stanął Pioter Zatoń z Parchòwa. Karno ju òdwiedzëło J. Trzebiatowsczégò w Chònicach, gdze je jegò galeriô, w Krakòwie, gdze mô warkòwną jizbã i w Trzebùnie w Beskidach, gdze w chëczach trzimô etnograficzné zbiorë. Materiału pòzebralë dosc na 20 filmików, kòżdi pò kòle 10 min. Jak nama pòwiedza A. Grenwald wszëtczé mają bëc fertich na zôczątkù 2023 r. Tedë trafią do internetu (YT, starna MKPPiM). Ùdbã zrëchtowaniô videò ò znónym artisce pòdała Stowôra Spôdkòwiznë Pòmòrzô miona Bògùsława X.

Red.