Reklama

29. edicjô kònkùrsu „Bë nie zabëc mòwë starków”

Kùlturowniô

12/12/2021 18:39

Fot. K. Tucholska/Muzeum Ziemi Puckiej im. Floriana Ceynowy

7 gòdnika w Dãbògòrzu òdbëła sã 29. edicjô recytatorsczégò kònkùrsu „Bë nie zabëc mòwë starków”. Szkòłownicë rëchtëją na niegò swoje dokazë. - Latos nôbarżi sã nama widzala òpòwiesc dzéwczątka, chtërno òpòwiôdalo ò swòji pùpce. Napisónô nôtërnym jãzëkã, a do te bëlno pòwiedzonô - gôdô przédnik jurorów Rómk Drzéżdżón, a tej dodôwô: Bëlnëch ùdbów bëlo wicy. Mëszlã tuwò ò zmieniony bôjce ò Snieżce i sédmë krôsniôkach. Jeden z knôpów rzek nama bôjkã ò sétmë Snieżkach i jednym krôsniôkù. Òn miôl z nima baro dobrze, jedna prala, jinszô sprzątala. Smiésznô historëjô. Starszi pisalë ò żëcym, taczi filozoficzny dokôz.

W nym rokù wëstartowało 25 szkòłowników. Nôbëlniészé tekstë przeczëtac mòżna mdze na starnach „Stegnë” - lëteracczégò dodówkù do „Pòmeranie”.

Wicy wiadłów ò kònkùrsu na starnie wespółòrganizatora Mùzeùm Pùcczi Zemi m. Floriana Cenôwë.

Red.