Reklama

15-tô platka, a je jich 500 sztëk

Kùlturowniô

05/01/2023 16:20

Pierszi festiwal Cassubia Cantat mielë më w 2010 rokù a póznié rok w rok. Òd 2011 r. pò festiwalu (òd drëdżi edycji, bò pierszé mùzyczné zéńdzenié nie bëło rejestrowóné) Zapôdnokaszëbsczi Mùzeùm w Bëtowie wëdaje platkã z dokazama nëch, co grelë a spiéwelë na binie. Czasã sztëczków je dosc na dwie, tej mómë platka-dëbelt! Do dzysô ùzbiérało sã 15 platków CD. Prawie wëszła slédnô. Ùczëjemë na ni 24 dokazë òd 8 karnów. Jak wiedno je to zbiér rozmajitëch zortów mùzyczi òd fòlkù, bez pòp i rock, pò alternatiwã. Platków przërëchtowelë 500 i mòże je darmôk dostac w kase Muzeùm na bëtowsczim zómkù. Chto bë równak ni miôł leżnoscë zazdrzec do Bëtowa, niech le zdebło jesz dożdô, jaż na internetowi starnie ZM wstawią materiał ze slédnégò festiwalu (materiałë z tëch, co bëłë rëchli, ju tam są).

Red.