Reklama

Ptôchë przëlecą na zymkù

Kùlturowniô

12/12/2022 18:43

Pòétka Adéla Kùik-Kalinowskô w Miejsczi Bibliotece na bëtowsczim zómkù 6 gòdnika spòtka sã z lùbòtnikama swòjégò ùtwórstwa. Òpòwiôda ò se, ò tim co jã pòdskôcô do pisaniô. Z pierwsza ùsôdza pò pòlskù, a pò smiercë tatka téż pò kaszëbskù. - Tej sã cos szerok a narôz we mie òdemkło. Przed tim jô nie bëła gwës, czë pò kaszëbskù jô mdã mògła. Kò òd te czasu nen jãzëk barżi a barżi òdkriwô dlô mie swòjã bòkadnosc - goda pòétka. Latos dobëła na kònkùrsach Jana Drzéżdżona i Jana Trepczika w Wejrowie a Strijewsczégò w Lãbòrgù. Na zéńdzenim dokazë czëta òna i Łùkôsz Zołtkòwsczi, co prowadzył spòtkanié. A. Kùik-Kalinowskô pòwiedza téż, że prawie rëchtuje nowi zbiérk swòjich wiérztów. Spòd smarë wińdze na kùńc zëmë, abò na zymkù. Jegò titel to „Leno Ptôchë”.

G.P.