Reklama

Z wizytą ù Òstoja Lnisczégò

Kùlturowniô

25/01/2022 14:15

7 stëcznika naji fòtorepòrtéra òdwiedzył Włodzmierza Òstoja Lnisczégò. Westrzód lëdowëch artistów to pòstacëjô wnet ikónicznô. - To je czëc i widzec, czej sã wchôdô do jegò prôcownie. Ju w kòridorze na scanach wiszą jegò dokazë. Wicy je jich, czej sã weńdze bënë - gôdô fòtorepòrtéra. Jich aùtorã nie je leno Òstoja Lnisczi. Mô tam téż skòrëpë Neclów, rzezbë Józwë Chełmòwsczégò czë Włodzmierza Licë, chtërnégò artista ùznôwô za nôwikszégò dłótownika z Kaszëb. - Sóm Òstoja Lnisczi je baro drësznym i òdemkniãtim człowiekã - dodôwô naji fòtorepòrtéra.

11 gromicznika w Zôpadnokaszëbsczim Mùzeùm w Bëtowie òdemkniãtô òstónie wëstawa, na jaczi nalézą sã prôce Włodzmierza Òstoja Lnisczégò. To równak je ju apartnô téma.

Red.