Reklama

Bilot, Jujka, stôrô grańca

Kùlturowniô

07/01/2022 18:28

Kaszëbsczi Institut w tim rokù w serie Biblioteka Kaszëbsczich Pisarzów chce wëdac ksążkã ò Janie Biloce. Bãdze to pierszi szerszi dokôz ò nym mało znónym kaszëbsczim lëterace, jaczi pisôł w midzewòjnowi Pòlsce. W 2022 r. dożdómë téż pòstãpny ksążczi z rédżi Pro Memoria. Ta bdze ò Zbigòrzu Jujce. Nen znóny gazétnik a òsoblëwie aùtór satiricznëch malënków ùrodzył sã w Nowim Tôrgù na Zëławie. Institut wëdô téż pùblikacjã pò pòstãpny kònferencje Wiôldżé Pòmòrzé. Łońsczégò rokù prawilë na ni ò Pòmòrzim a Skandinawie. W KI je téż bédënk na dokôz ò dôwny pòlskò-niemiecczi grańcë, jaczi òstałoscë wcyg dô ù nas dozdrzec. Òkróm nëch smarą wëdô jesz pôrãnôsce jinëch ksążków.

G.P.