Reklama

W Winonie gôdają pò anielskù

Kùlturowniô

15/02/2023 17:33

Przigòdë kaszëbsczégò kasztanowégò ricerza Bëtka vel Bycia z Bëtowa Ana Glëszczińskô napisa ju sódmi rôz. I sódmi rôz òbrôzczi do tomikù zrëchtowa Aleksandra Glëszczińskô. Białczi nie są krewné, kò mieszkają w bëtowsczim pòwiece, to je w Lëpińcach a Soszëcë. W tim dzélu òpòwiescë dlô dzecy Bëtk jedze do Americzi, kònkretno do Winonë nad Missisipi, gdze co trzecy człowiek mô kaszëbsczé kòrznie. Tomik bãdze wëdóny niedługò, pierszi rôz nié leno pò kaszëbskù a pòlskù a téż pò anielskù. - Prawie to, że Bëtk pòjachôł do Winonë, bëło dlô mie nôbarżi drãdżé. Tec jô tam nigdë nie bëła, nie widzała, jak tam wëzdrzi. Në doch òd cze je internet - gôda ò rëchtowanim ilustracjów Aleksandra Glëszczińskô. Prawie w Zôpadnokaszëbsczim Mùzeùm w Bëtowie artistka òtemkła swòjã wëstawã z dokazama nié leno sparłãczonyma z Bëtkã.

Red.