Reklama

W Lëni wëbiorą méstrów jigłë i niców

Kùlturowniô

29/01/2022 16:23

Smiało mòżna rzeknąc, że kaszëbsczi etnodizajn, jaczi wëzwëskùje chòc le mòtiwë z wësziwkù, stôwô sã corôzka barżi pòpularny. Mòdła z negò zmódernionégò nalazłë sã na kioskù, jaczi stanął w òdłonionym banowiszczu w Bëtowie. W 2019 r. na kònferencje ò etnodizajnie gôdelë m.jin. Karól Walczak z Ùniwersytetu Adama Mickewicza w Pòznaniu, Benita Grzenkòwicz-Roppela z Mùzeùm Kaszëbskò-Pòmòrsczi Pismieniznë i Mùzyczi we Wejrowie, a téż Tomôsz Semińsczi direchtór Zôpadnokaszëbsczégò Mùzeùm w Bëtowie.

Równak wiele je nëch, chtërny jidã szlachã tradycyjnëch szkòłów. Méstrów westrzód nich szukają na pòstãpnym ju XXVII Wòjewódzczim Kònkùrsu Kaszëbsczégò Wësziwkù w Lëni. Chãtny zgłosziwac sã mògą do 31 strëmiannika, a do 6 maja przëséłac prace.

Regùlamin kònkùrsu nalezc mòżna na starnie dodomù kùlturë w Lëni.