Reklama

Pòwstôwają nowé kòlãdë

Kùlturowniô

19/10/2021 15:36

Mùzeùm Kaszëbskò-Pòmòrsczi Pismieniznë i Mùzyczi we Wejrowie mô ògłoszoné III Òglowòpòlsczi Kómpòzytorsczi Kònkùrs na kaszëbską kòlãdã. Kòżdi ùczãstnik mùszi ùsadzëc dokôz do jednégò z tekstów Mirelë Fiedorowicz („Kòlãda, kòlãda”, „Anielsczé skrzidła”, „Mëmczënô kòlibiónka”, „Dlô Cebie Jezëskù”, „Jiskrzą sã gwiôzdczi na niebie”, „Lëchô stajenka”) - wszëtczé òne, razã z tłómaczenim na pòlsczi jãzëk i kaszëbską wëmòwą do pòsłëchaniô, są na starnie mùzeùm we Wejrowie.

Tam nalézëta téż całowny regùlamin kònkùrsu. Kómpòzycje mùsz je wësłac do òrganizatora do kùńca latoségò rokù.

Red.