Reklama

Na wëstawie szëchã i „bajorkã”

Kùlturowniô

11/01/2022 21:58

Cziledzesąt wësziwków òd sobòtë 15.stëcznika bãdze mòżna òbaczëc na wëstawie w Kaszëbsczim Mùzeùm m. Frãcëszka Trédra w Kartuzach. Òkróm czepców nalazłë sã na ni m.jin. chłopsczi szlipsë i białczëny tasze. Są téż i òbrazë. - Wszëtkò je wësziwóné na dwa ôrtë - szëchã, tj. nicą, jakô je òwiniãtô metalowim drócëszkã i tzw. pò pòlskù „bajorkã”, tj. cenczim skrãconym metalowim drócëkã. Robienié na taczi ôrt wëmôgô òd wësziwarków wiôldżégò bôczënkù, a téż kùńsztu - gôdô Barbara Kąkòl, direktorka kartësczégò mùzeùm. Na wëstawie pòkôzóné òstóną wësziwczi 30 białków, sparłãczonëch z gduńsczim partã Kaszëbskò-Pòmòrsczégò Zrzeszeniô, Kaszëbsczim Fòrum Kulturë w Gdinie, Klubã Sétmë Farwów we Gduńskù, a téż Klubã Wësziwkù „Tulpa” we Wejrowie (lësta nôzwësków niżi).

Wëstawã mdze mòżna òbzerac do 15 łżëkwiata.

Red.