Reklama

Na jimieninë do Bòrowi Cotczi

Kùlturowniô

17/08/2022 15:52

Bòrowô Cotka ju pòstãpny rôz rôczëła wszëtczich na swòje jimieninë. Rokroczno 15 zélnika Zôpadnokaszëbsczé Mùzeùm w Bëtowie òrganizëje rozegracjã pòd nazwą „Imieniny Borowej Ciotki”. Swójską atmòsferą, warkòwniama a stojiszczama lëdowëch ùtwórców przëcygô òna lëdzy z òkòlégò, a téż turistów, chòcle z zôpadnopòmòrsczégò czë mazowiecczégò wòjewództwa. Nié jinaczi bëło i latos. Mòżna bëło kùpiac wszelejaczé miodë a naléwczi, a do te swójsczi chléb, wòrztë czë rëbë. Swòje produktë zachwôliwałë białczi z KGW. A mòżna ù nich bëło nalezc i miodnoscë, i marmòladë, i lawendowé zawieszczi.

Ò mùzykã zadbało karno Mòdrôczi z Parchòwa. Do jich spiéwów czasã dołącziwelë zgromadzony. Tak bawilë sã bez czile gòdzyn. A tëch, co nie bëlë, Bòrowô Cotka rôczi za rok.

Red.