Reklama

Ksążka ò misjonarzu Pòmòrzô

Kùlturowniô

08/10/2021 13:52

Wëszła smarą ksążka namienionô Swiãtémù Òtowi, chtërna je brzadã sympòzjum, jaczé zòrganizowôł Institut Pòlonisticzi Pòmòrsczi Akademii w Słëpskù w 2017 rokù. Òkróm przërëchtowónëch z ti leżnoscë referatów, w pùblikacji pòjawiło sã jesz czile jinëch artiklów, òsoblëwie pòkazywającëch kùlt Apòsztoła Pòmòrzô na dzysdniowëch Kaszëbach.

Czëtińc naléze w ksążce wëdóny przez Nôùkòwą Wëdôwiznã Pòmòrsczi Akademii w Słëpskù i Mùzeùm Kaszëbskò-Pòmòrsczi Pismieniznë i Mùzyczi we Wejrowie czilenôsce tekstów. Hewò title niejednëch z nich: „Pogańskie przestrzenie kultowe Pomorza na drodze misyjnej biskupa Ottona” (Rafôł Fòltin), „Żywoty Świętego Ottona z Bambergu jako teksty hagiograficzne” (Daniél Kalinowsczi), „Ten wielki apostoł Słowian Północy. Misja św. Ottona na średniowiecznym Pomorzu w powieści historycznej I ona ma zielone oczy Zbigniewa Zielonki” (Adela Kùjik-Kalinowskô), „Mniej i bardziej święty. Uwagi o ikonografii św. Ottona z Bambergu” (Elżbiéta Kal), „Przejawy kultu św. Ottona - Apostoła Pomorza - na terytorium obecnych Kaszub” (Eùgeniusz Prëczkòwsczi). Redaktorką pùblikacji je prof. Adela Kùjik-Kalinowskô.