Reklama

Kaszëbskô trãptówka we Wejrowie

Kùlturowniô

03/03/2022 12:48

Jeżlë chto nie wié, jak zatańcowac kòsédra, marëszkã abò wôłtôka, terôzka mô leżnosc sã tegò dowiedzec. We wejrowsczim Mùzeùm Kaszëbskò-Pòmòrsczi Pismieniznë i Mùzyczi Paùlëna Wãserskô pòprowadzy zajmë z kaszëbsczich tuńców. Nie jidze ò to, żebë naùczëc są chòreògrafie, a przëbaczëc, jak przódë lat bawilë sã na zabawach. Wãserskô je jinstruktorką kaszëbsczégò tuńca, chòreògrafką karna „Kaszëbskô Rodzëzna” z Lënie i liderką karna Begebenheit, jaczé dobëło w òstatnym Festiwalu „Cassubia Cantat”.

Przińc mògą wszëtcë: i młodi, i starszi (nôùka je płatnô - na miesądz to 40 zł òd òsobë a 70 òd pôrë). Pierszé pòtkanié ju dzys 3 strëmiannika ò 5 p.p. Pòstãpné co czwiôrtk).

Jeżlë chtos chce sã zapisac, mùszi zazwònic pòd numr 726-646-704 abò napisac na: [email protected].