Reklama

Dzeje sã w nôdolsczim skansenie

Kùlturowniô

24/06/2022 17:47

Trzëdzescëpiãc lat temù òtemkłé bëło mùzeùm na swiéżim lëfce w Nôdolim nad Żarnówsczim Jezorã, jaczi je dzélã Mùzeùm Pùcczi Zemi m. F. Cenôwë. Z ti leżnoscë òd 25 czerwińca mdze mógł òbzerac òdjimkòwą wëstawã jak pòwstôwôł a rozwijôł sã nôdolsczi skansen.

Chòc nôdolsczé mùzeùm, chtërné terô zwie sã Gbùrskô i Rëbackô Chëcz (pòl. Zagroda Gburska i Rybacka), je na môłim placu, równak mòże w nim zwiedzëc czile czekawëch bùdinków, m.jin. gbùrską chëcz familie Rutzów z 1846 rokù, chëcz rëbacką, remizã, stodołã czë òbòrã.

Wôrt zazérac na internetową starnã a profil fb pùcczégò mùzeùm, kò òb całi rok, a òsoblëwie òb lato w skansenie wiele sã dzeje, m.jin. latos 24 lëpińca mdze Krancbal, 28 zélnika Dzéń Chleba i Miodu a w kòżden piątk piekłé mdze prôwdzëwé kaszëbsczé chléb.