Reklama

Dokazë z ùtaconégò ògrodu

Kùlturowniô

11/10/2021 13:50

Mieszkô niedalek Brus. Chòc w drewnie dłótëje òd 80. latów XX w., dopiérkù terô dożdôł swòji pierszi wëstawë.

Stanisłôw Janikòwsczi nie je znónym ùtwórcą. Nijak ni miôł starë, żebë pòkazac swòje dokazë gdzes dali òd swòjégò ògrodu. Dopiérze Krësztof Gradowsczi „nalôzł” gò w Czôpiewicach. Rzezbë S. Janikòwsczégò są prosté. To rozmajité pòstacje zaklãté bez dłóto w chòjnowim drewnie, malowóné.

8.10. w Zôpadnokaszëbsczim Mùzeùm w Bëtowie òtemklë pierszą wëstawã S. Janikòwsczégò, ji kùratorã je Magdaléna Sudoł. Dokazë na bëtowsczim zómkù, je jich tam 21 (rodzëzna 500+, niedokùńczonô szopka, krôsniãta), mdze mòżno òbzerac do gòdnika.

Wiãcy ò S. Janikòwsczim w tim tidzeniu w dzélu: Wszelejaczé.

P.D.