Reklama

Ani jô, ani të nie lubimë robòtë!

Kùlturowniô

18/05/2023 19:20

To refren piesnie spiéwóny bez bëtowską Kapelã Gòcha. I prawie nen dokôz (tzw. himn zgnilca) razã z taczima lokalnyma hitama jak "Jedzemë do Zôpceniô" dôł Kapelë dobëcé na X Òglowòpòlsczim Kònkùrsu Kapel a Fòlkloristicznëch Karnów w Chònicach, co miałë plac 3.05. Westrzód karnów pierszi plac òbsãdzëcele delë Kłopocanom z Kùjaw.

Bëtowskô Kapela Gòcha dzejô òd rokù. Mùzykańcë zbiérają sã tej-sej, z rozmajitëch leżnosców, nôbarżi, żebë sã dobrze razã bawic abò bawic jinëch swòjim granim. Jegò nôleżnicë to Grégór Wańtoch Rekòwsczi, Mirk Zahl, Kazmiérz Lewandowsczi, Waldi Jakùbek, Ark Prieba i Andrzéj Kara.