Reklama

Do Bëtowa bieżta…

Kùlturowniô

05/10/2021 08:29

To dô! Òd strzodë do sobòtë - teatrë na binie i na rënkù, warkòwnie a jesz kòncertë, a mùzyczné wëstwôrzanié na spòdlim kaszëbsczich témów. Kò wszëtkò dopiérkù na drëdżi tidzéń, to je òd 13 do 16 rujana.

Nôpierwi trzë dni Festiwalu BytOffsky. Do òbezdrzeniô mdą szpetôkle przëwiozłé z Krakòwa, Warszawë, Słëpska, Rzeszowa, Pòznaniô. Do słëchaniô Cuarteto Re!Tango z Pawłã Nowakã, Justina Chòwaniak a Mùndinova. Do gôdaniô aktór Rafôł Mòhr a jesz teatralné warkòwnie dlô młodzëznë.

W sobòtã drëdżi festiwal - Cassubia Cantat. Na binie Bëtowsczégò Centrum Kùlturë ùczëjemë stôré mùzyczné témë w nowim òbleczënkù, a mòże téż czësto dzysôdniowé wëstwôrzanié (do czëtaniô felietón z 10 edicje Cassubia Cantat - zazdrzë do dzélu rozmajitoscë).