Reklama

Czekómë na pòstãpną

Kùlturowniô

28/11/2022 20:57

Pierszi rôz Mùzeum Kaszëbskò-Pòmòrsczi Pismieniznë i Mùzyczi do Wejrowa rôczëło na Òglowòpòlską Nôukòwą Kònferencjã „Kaszëbë - Pòmòrzé na słowiańsczim spòdlim. Historiô, kùltura, jãzëk”. Prôwdac zéńdzenié ùdbelë na 2020 r., kò pandemiô sprawiła, że tedë skùńczëło sã na wëdanim ksążczi z referatama. Tim razã, to je 18-19.11, chëra nie stanãła przék. We Wejrowie zeszlë sã badérzë nié le z Pòmòrzô, kò téż nôwôżniészëch akademicczich òstrzódków Pòlsczi. Pôrãnôsce referatów tikało jãzëkòznajôrsczich, etnograficznëch a historicznëch témów, m.jin. ò familie Miłoszów, ò szôłtësach Strzépcza w latach 1945-1950, ò jiwrach z kaszëbsczim tłomaczenim kònstitucje RP, ò kaszëbsczich tuńcach. Wszëtczi trafią do rëchtowóny prawie ksążczi. Jak nama pòwiedzôł jeden z ùsôdzców kònferencji Mateùsz Szuba, bãdze òna wëdónô w nôblëższich miesącach.

Red.