Reklama

Ò Ôbramie i kaszëbsczi rodze . Co nowégò w gromicznikòwi „Pòmeranie”

Kùlturowniô

20/02/2023 17:44

Òd stëcznika dzejô nowô starna „Pòmeranie”. Zmiana bëła kòniecznô, żebë zagwësnic wikszi bezpiek dlô òdwiedzającëch.

„Cieszmy się, że mieliśmy pomorskiego ojca niepodległości” - to titel wëdowiedzë z Terézą Hoppe, aùtorką ksążczi ò Tónie Ôbramie.

„Bôłt i jegò sztrąd, wielné rzéczi i jich dolëznë, czilenôsce tësący jezór, dunë, pradolëznë, glëniasté pòlodofôłtowé wëszawë i wërôstającé nad nie przédné mòrenë, do tegò szeroczé plachce piôszczëtëch sandrów - nôtërné òkrãżé Kaszëb je baro ùrozmajiconé” - tak zaczinô sã nônowszô pùblikacjô z serii Kaszëbsczé vademecum, jakô je namienionô naji rodze. Ji aùtorã je Pioter Dzekanowsczi.

W maju startëje „Leno w przódk” - rajd szlachã negò jesz przedwòjnowégò Shella, jaczi prowadzył pò Kaszëbach. Wcyg mòżna sã zapisëwac.

Express kaszëbsczi mô ju sétmënôsce lat. Jak to sã wszëtkò zaczãło i jak dzys dzejô jinternetowi pòrtal z wiadłama ò tim, co dzeje sã wkół kartësczégò krézu, w nônowszi „Pòmeranie”.

Z ni téż doznômë sã wicy ò ks. Heliodorze Łaszewsczim, Jerzim Trepczikù, Ireneùszu Stromsczim a Frãcëszkù i Aùgùsce Zarzëcczim - gòspòdarzóm z Błotny.

Chto mô szmakã za wicy, mùszi sëgnąc do „Pòmeranie”. A żebë nick nas nie òminãło, wôrt jã zaprenumerowac.

Red.