Reklama

Ò Bądkòwsczim na YouTube

Kùlturowniô

12/11/2021 16:59

Fùndacjô „Samorządność” m. Lecha Bądkòwsczégò, wespół z gdińsczim Kaszëbsczim Fòrum Kùlturë, przëszëkòwała 9 filmów ò dejach blësczich swòjémù patronowi. Pòzwa tegò cyklu to „Autorytety”. Wëstãpùją znajôrze żëcopisu i dobëców wespółzałóżcë Kaszëbskò-Pòmòrsczégò Zrzeszeniô, m.jin.: Sławina Kòsmùlskô (córka Lecha Bądkòwsczégò), prof. Cezari Òbracht-Prondzyńsczi, dr Grégór Grzelak. Nie felëje téż témów zrzeszonëch z kaszëbską kùlturą, a przédno z lëteraturą. Kôrbią ò ni prof. Daniél Kalinowsczi („Historicznô lëteratura Lecha Bądkòwsczégò”) a téż Dark Majkòwsczi i Andrzéj Bùsler, chtërny gôdelë ò cëskù lëteracczich dzejaniów aùtora „Odwróconej kotwicy” i tłómacza „Żëcégò i przigòdów Remùsa” na promòcjã Kaszëb i Pòmòrzô.

Wszëtczé filmë przërëchtowóné w òbrëmim projektu „Autorytety” dô òbezdrzec na karnôlu YouTube Fùndacje „Samorządność”.

Red.