Reklama

Wszëtczégò pò dzesãc

Kùlturowniô

13/03/2023 19:40

Nôpierwi pòwstałë malënczi. Do grëpë 10 sztëk. Jich aùtórką je Alicjô Serkòwskô. Témë rozmajité: òd widników pò swiãtëch a pòstacje z mitologie. Pòtim Fùndacjô Mòje Stronë pòprosa kaszëbsczich lëtratów ò napisanié dokazów prawie na spòdlim nëch òbrazów. 10 wiérztów rëchtëje Tómk Fópka, a òpòwiôstczi, téż 10, Stanisłôw Janke, Bòżena Ùgòwskô, Rómk Dżéżdżón, Kristina Léwna, Eùgeniusz Prëczkòwsczi, Adóm Hébel, Daria Kaszëbòwskô, Matis Klebba a Jón Natrzecy. Wszëtczé dokazë stóną sã zamkłoscą ksążczi, co smarą wińdze na kùńc łżëkwiata/zôczątk maja. Òbrazë ju dzysô jidze òbezdrzec w Kaszëbsczim Fòrum Kùlturë w Gdinie, gdze bãdą wisałë do Jastrów.