Reklama

Wëstôwk dokazów Léòna Bieszczi

Kùlturowniô

04/10/2021 08:10

Mùzeùm Kaszëbskò-Pòmòrsczi Pismieniznë i Mùzyczi we Wejrowie rôczi do òbzéraniô wëstôwkù òbrazów Léòna Bieszczi „Malarski pamiętnik”.

Mùzeùm na pòczątkù łońsczégò rokù ùdostało do swòjich zbiérów kòlekcjã 30 òbrazów negò malarza ùrodzonégò we Wiôldżi Rolë, a òb wikszosc dozdrzeniałégò żëcégò mieszkającégò w Rëmi. Ne dokazë pòwstôwałë òd 90. lat XX w. do smiercë artistë w rokù 2018.

Bieszka béł artistą samòùkã, jaczi twòrził na pògrańczim lëdowégò i profesjonalnégò kùńsztu. Jak czëtómë na starnie MKPPiM: „Artysta dążył w swoim malarstwie, do wiernego, jak tylko potrafił, odtwarzania rzeczywistości zgodnie z zasadami sztuki akademickiej. Z drugiej strony estetykę jego prac wyróżnia naiwna (w pozytywnym tego słowa znaczeniu) nostalgia za czasem minionym. Świat obrazów Leona Bieszkego jest barwny i kolorowy, pełen radości - wręcz apoteozy życia”.

Lubòtnym mòtiwã artistë bëłë kaszëbsczé krôjmalënczi. Malowôł m.jin. znankòwną dlô Pòmòrzô wieską architekturã, stôré młinë, kòldrogòwé krziże i kapelczi.

Wëstôwk mòże òbzerac w bùdinkù Ksążnicë prof. Gerata Labùdë w gòdzënach òtemkniãcô MKPPiM.

Na spòdlim tekstu Benitë Grzenkòwicz-Ropelë

Wiãcy na starnie mùzeùm w Wejrowie.