Reklama

Wspòmink z Hélsczi Kòsë

Kùlturowniô

29/12/2021 16:34

„Wdzãcznota” to titel wëdónégò latos zbiérkù, jaczégò aùtorką je Éwa Struk-Slawik, pòetka, co pòchòdzy z Jastarnie. Mòżno so pòmëslëc, kòmù a za co ta wdzãcznota? Nôbarżi starszim, chtërny pòkôzelë ji rëbacczi swiat. Òd jedny stronë swiat fùl cãżczi robòtë, òd drëdżi pësznëch widników i szëmòtu wałów a wiatru. Mëszlã, że dzél ny wdzãcznotë słëchô kawlowi, co cësnął aùtorkã w czas òdeszłégò ju rëbaczeniô a òpòwiesców pòwiôdónëch bez nëch, co czekelë za wrócenim rëbôków z mòrza. Nen przeszłi czas, czej òd zymkù do jeseni, dzéń w dzéń reno nad Pùcczim Wikã dało czëc përpòt mòtórów rëbacczich bôtów. Nié wszëtkò szło równak précz. Òstôł cepłi piôsk i szëmòt òd lasu, glada na Wikù, wałë na Wikù, wiedno pëszno. Cos sã zmieniło, ale nié wszëtkò.

R.S.