Reklama

W Rëmie Pòznań a Wejrowò

Kùlturowniô

25/10/2021 17:33

Piesnie „Nigle sã zerwie strzébrzny szum” i „Òjcze” widzałë sã nôbarżi juroróm Midzënôrodnégò Festiwalu Religijny Mùzyczi m. ks. Stanisława Òrmińsczégò w Rëmi 23.10. - Jem jurorã òd wicy jak dzesãc lat i jesz nigdë ni mielë më teli karnów, co spiéwałë kaszëbsczé piesnie. Zgłosëło sã 7, a z tegò 5 z dokazama pò kaszëbskù. W naddôwkù w nym rokù rówizna bëła baro wësok. Widzec to chòcle pò diplómach. Juri nie dało żódnégò brunégò, a leno złoté i strzébrzny. Baro bëlno w najim jãzëkù spiéwałë chùrë z bùtna Kaszëb - z Pòznaniô, Warszawë - gôdô jeden z jurorów Tómk Fópka.

W kònkùrsu na nôlepszé wëkònanié religijny piesnie pò kaszëbskù nôdgrodã starostë wejrowsczégò pòwiatu dobéł „Affectus” z Pòznania. Zaspiéwelë „Òjcze” (wëjimk z Pasje w tłómaczeniu ò. Adama Sykòrë). Pùchar prezesa Radë Kaszëbsczich Chùrów za baro bëlné wëkònanié pò kaszëbskù dostôł „Cantores Veiherovienses”, chtëren zaspiéwôł „Niglë sã zerwie strzébrzny sznur” (wëjimk z dokazu „8 piesni z Ksãdżi Kòheleta” w dolmaczenkù ò. Adama Sykòrë). Òn téż dobéł grand prix.

Red.