Reklama

W Chinach persona non grata

Kùlturowniô

17/10/2021 15:26

To ju pôrã dni, jak më piselë ò pòlskò-chińsczim słowôrzu. Je to leżnosc, żebë nadczidnąc o jiny latosy ksążce. To wëdôwizna òd werbistów przërëchtowónô na wdôr ks. prof. Rómana Malka (1951-2019). Ten Kaszëba z Bëtowa béł jednym òd nôwiãkszich znajôrzów Chin w Pòlsce. Béł aùtorã kòle 1000 artiklów a ksążków, redaktorã synologicznégò cządnika „Monumenta Serica”, direktorã China-Zentrum i Institutu Monumenta Serica. Wëkłôdôł pòrównawczé religioznajôrstwò na Ùniwersytece w Bonn, a téż robił w Instituce Filozofie i Teòlogie w Sankt Augustin (niedalek Bonn), wëchòwiwôł chińsczich ksãżi.

Ksążka „Roman Malek SVD i jego dzieło dla Kościoła w Chinach. Księga pamiątkowa” to zbiér nié leno wspòminków, ale téż nôùkòwëch religioznajôrsczich artiklów.

P.D.