Reklama

W Baranowie sztërë liriczné dnie

Kùlturowniô

01/12/2021 16:54

Do Baranowa, môłi wsë w parchòwsczim krézu, zjachelë mùzycë, chtërny grają na kòrbòwi lirze a téż ti, jaczi chcelëbë sã tegò naùczëc. Òd 25 do 28 lëstopadnika òdbëłë sã tam warkòwnie z grë na nym jinstrumeńce. Gôdelë równak nié leno ò nim. - Òd dwùch lat zajimómë sã téż zamòwama, tj. krótczima słownyma fòrmama, jaczé mają naju chronic, lékarzëc i wëbawic òd wszelejaczich jiwrów. Analizujemë je z ùtwórczim kòntekstã. Zastanôwiómë sã, co dzys mòże bëc jich òdpòwiednikã, co jesz je tak mòcno sparłãczoné z magicznym swiatã. Doch dzys żëjemë w czësto jinszich czasach - gôdô Rafôł Fòremsczi z Teatru Kana, òrganizatora warkòwniów, a tej dodôwô: - Na zamòwë më wezdrzelë z pòlsczégò i kaszëbsczégò pòzdrzatku, ale nié leno. Bez internet jesmë sã pòłączëlë z prof. Tatianą Volodiną z Mińska, jakô gôdała ò nëch w biôłorusczi tradicje.

Na kùńc do pòspólnégò graniô òstelë rôczony mieszkańcë Baranowa.