Reklama

„Tam gdzie kwitną malënë” - nowi film Fùndacji Aby chciało się chcieć

Kurier Bytowski

11/08/2022 17:37

Wcyg rëchtowóny je film „Dziadek z Wermachtu”. W slédnëch dniach równak Fùndacjô Aby chciało się chcieć pòkôzała swój nowi dokôz „Tam gdzie kwitną malënë”. Swòbódno òpiarti je na serialu „Podróż za jeden uśmiech”. Latos mijô 50 lat òd jegò emisje. Wôrt przëbaczëc, że krącëlë gò téż na Kaszëbach - w Kartuzach czë Chmielnie. Tim razã na ekranie òbôczimë dwa dzeùsë, chtërny z Warszawë jadą na Kaszëbë. Òkróm nich pòjawią sã m.jin. Henrik Gòłãbiewsczi (w òriginale zagrôł głównégò bòhatera Pòldka) i Danuta Stenkã jakno starkòwie bòhatérków. - To le pierszi dzél, ju mëslimë, żebë pòwstałë pòstãpné, jaczé dzeją sã w jinszich môlach na Kaszëbach. Zanôlégô to òd dëtków, mómë nôdzejã, że zgłoszą sã do naju gminë, jaczé mdą zainteresowóné taką promòcją - gôdô jeden z twórców filmù Pioter Zatoń.
Premiera òdbëła sã 7 zélnika w Chmielnie. Dokôz wëswietlëlë téż w Sëlëczënie. Pòd kùńc rokù mô pòjawic sã w internece.

Red.