Reklama

Szôłtës z pòwrózkã

Kùlturowniô

25/11/2022 16:45

Béł rëbôkã, i to dalekmòrsczim, dzysô robi jakno mòrsczi ratownik. Kò bez lata jegò serce biło nié leno na mòrzu i w Bëtowie, gdze dzysô mieszkô, kò téż w rodny Prądzonce niedalek Czelsczégò Jezora na Gôchach. Prawie tã wies i ùszłi kaszëbsczi swiat Jón Rekòwsczi mô starã zachòwac w swòjich dokazach z syzalowégò pòwrózka. Rëchtëje gò ju òd 30 lat. Jegò pòstacje robią tobakã, pieką chléb, mòdlą sã, bawią. - To wszëtkò rodzy sã z mòji pamiãcë - dolmaczi pòdskacënczi bëtowión. W tim tidzeniu J. Rekòwsczi òtemkł wëstôwã w niewiôldżim bùdinkù, co stoji w jordanowsczim parkù w Bëtowie. Në, jesz nie je wiedzec, czej bãdą tuwò regùlarno zazérelë gòsce. Miejskô władza (bùdink ji słëchô) mô nôdzejã, że mdą przëchadac òsoblëwie dzecë, jaczim nen bôjkòwi szëk pòkazaniô ùszłotë mòże sã baro widzec.