Reklama

Staszków Jana pòwiescë zôs

Kùlturowniô

08/03/2023 21:11

Barżi znóny jakno kaszëbsczi pòeta. Kò pisôł téż pò pòlskù prozã. Ten drëdżi dzél ùtwórstwa Jana Piepczi (1926-2001) przëbôcza wëdôwizna Region z Gdinie. Prawie wëpùszcza jegò dokazë: „Purtkowe stegny”, „Hanesk”, „Szumiące wrzosy”, „Dzieżby w głogach”, „Cisza” a „Komu przypisano miłość”.

Zdô sã, że nie je przëpôdkã, że to prawie Region wzął sã za ùtwórstwò J.Piepczi. Tec szef wëdôwiznë Jerk Éllwart zajimô sã kaszëbsczim lëteratã przë leżnoscë ùsôdzaniô swòjégò doktoratu. Ksążczi Piepczi òpòwiôdają ò kaszëbsczi wsë òd pòłowë XIX stalata do czasów pòwòjnowëch, to je pò drëdżi wòjnie. Kò pòkazëje w nich téż swòje widzenié swiata. Czëc w nich wiôldżi cësk, jaczi wòjna mia na pisôrza - gôdô J. Éllwart, dodôwającë: Chcemë przëbaczëc te dosc ju zabëté dokazë.

Red.