Reklama

Pò kaszëbskù wiãcy jak pò pòlskù

Kùlturowniô

04/12/2022 20:59

- Baro sã ceszã, że latos na naji kònkùrs pierszi rôz wiãcy wiérztów bëło przësłónëch pò kaszëbskù jak pò pòlskù - gôdô Ana Różk, jakô w Mãcëkalë òrganizëje Regionalny Kònkùrs „Pòetycczé rézë pò Kaszëbach”. W nym rokù òdbëła sã ju XIII jegò edicjô. - Czedës më robilë gò leno dlô gminë, terôzka më sã òdemklë na całé Kaszëbë. Wiérztë bëłë przesłóné z Wejrowa, Gdinie, Rumie, a téż kąsk z blëższich strón, tj. z Chòniców, Kònarzënów - rzekła A. Różk.

W wiérztach pò kaszëbskù westrzód klas I-III Natalia Czôrnowskô ze Spòdleczny Szkòłë w Mãcëkale zajãła I môl (ji wiérztkã przeczëtôta niżi), II môl Blanka Chilewskô ze Spòdleczny Szkòłë w Brusach, a na III môlu nalazła sã Martina Jażdżewskô ze Spòdleczny Szkòłë w Czëczkòwach.

Westrzód starszich z klas IV-VI Marcelina Teca ze Szpòdleczny Szkòłë w Czëczkòwach zajãła I môl (ji wiérztã przeczëtôta niżi), II môl Michalina Jeszka ze Spòdleczny Szkòłë w Mãcëkale, a III môl Léna Lenz ze Spòdleczny Szkòłë w Kònarzënach.

Red.