Reklama

Kònwent ò fantastice, téż ti kaszëbsczi

Kùlturowniô

09/11/2021 17:39

Lubòtnicë fantasticzi w lëteraturze ju czwiôrti rôz mòglë wzyc ùdzél w gdińsczim kònwence Pasja Minicon, jaczi je òrganizowóny przez Bibliotekã Gdiniô wespół z karnã Ratel Squad. W dniach 5-7 lëstopadnika bëłë rozmajité kôrbiónczi, panele i pòtkania online. Westrzód rôczonëch gòscy bëlë m.jin.: pisôrz i laùreat Lëteracczi Nôdgrodë m. J. Żuławsczégò Paweł Majka, dr Paweł Dëbała – tłómôcz mandżi, Thomas Arnold - ùtwórca kriminałów i fantasticzi.

Latos jesmë mielë téż kaszëbsczi dzél. Joana Ginter i Dark Majkòwsczi kôrbilë ò kaszëbsczi ksążce fantasy „Pòd òkã Jastrë”. Aùtór òpòwiôdôł ò swòjich pòdskacënkach, ò pòstacjach z kaszëbsczich wierzeniów, jaczé nalazłë sã w jegò dokazu. Bëła téż gôdka ò òglowi stojiznie kaszëbsczi fantasticzi, jakô dosc chùtkò sã rozwijô, pòwstôwają nowé ksążczi, a òd czile miesądzów dzejô pòrtal www.biersztuba.com.

Red.